tadmor

مرحبا بك زائرنا الكريم
منتدى التدامرة يرحب بك وبكل الأعضاء
/ شاركنا ولو بإبتسامة /

للتسلية و الإستفادة للجميع

المواضيع الأخيرة

» عائلات تدمرية
الأحد ديسمبر 09, 2012 11:25 am من طرف ALbaz

» كيف تكون اسعد الناس
السبت أكتوبر 06, 2012 8:58 pm من طرف ســـــــلمى

» المخدوعون في الظواهر
السبت أكتوبر 06, 2012 8:52 pm من طرف ســـــــلمى

» في حدا,,,,,,,بيقدر يجاوب؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الخميس أغسطس 23, 2012 3:24 pm من طرف أحمد عارف

» mý ĺãşţ Ľâťţèя ... Ĩ'm ŝðяяÿ
الخميس أغسطس 23, 2012 3:22 pm من طرف أحمد عارف

» إذا أصبحتَ فلا تنتظر المساءُ
الخميس أغسطس 23, 2012 3:14 pm من طرف أحمد عارف

» طريـــق الســـعادة ,,, هو الاحســـان للآخرين
الخميس أغسطس 23, 2012 3:04 pm من طرف أحمد عارف

» .. ولن يشعر بمعاناتك أحد ..
الخميس أغسطس 23, 2012 3:04 pm من طرف أحمد عارف

» عش واقعك ولا تسرح بالخيال
الخميس أغسطس 23, 2012 12:38 pm من طرف ســـــــلمى

تدفق ال RSS


Yahoo! 
MSN 
AOL 
Netvibes 
Bloglines 

    ذكريات لاتنسى

    شاطر

    دارين
    عضو نشيط
    عضو نشيط

    عدد المساهمات : 137
    تاريخ التسجيل : 19/07/2009

    ذكريات لاتنسى

    مُساهمة  دارين في الأربعاء يناير 20, 2010 2:33 am

    بتتذكروا ،،،،


    بتتذكروا.. يوم يجي أخوك الأكبر منك ويقول لك: بدك أرسم لك ساعة وانته تمد إيدك ويعضّك هديك العضة اللي تضل مرسومة أسبوع.

    ‏ بتتذكروا.. يوم كنا نتصوّر عند مصوّر العيلة وطبعاً غصب عنك الخلفية زرقاء مو بكيفك ولازم تمشط شعرك بالمشط اللي عنده.. كله شعر...




    ‏ بتتذكروا... المصيص الأحمر اللي بيعلق بالسنان ومعو عود لونه احمر مخطط بالأبيض وكنا نقلبو بالمقلوب ونحطو ع الشمعة أو الغاز وننفخ مشان نساوي فقاقيع وطبعا ما تطلع النفيخة لحتى تطلع زلاعيمك معها وتنحرق كل أصابيعك.

    بتتذكروا.. يوم كنّا نشوف افتح يا سمسم ونتأثر بكعكي اللي ياكل بسكوت ونشتري بسكوت ونتم ناكل مثله

    وبعدين نحطو بطاسة مي أو بالمغسلة وناكلو عم يشرشر.

    بتتذكروا.. يوم الجمعة ... ‏نقوم من الصبح مشان نسمع أغنية في قصص الشعوب قصائص لا تنتهي

    وعالم حلو بهي يسكن في القلوب في قصص الشعوب .

    بتتذكروا.. تيلفون أبوقرص اللي يهلك أصابيعك وانت تتصل ويا ويلك يطلع الرقم مشغول لأنه ما في ريدايل.

    ‏ بتتذكروا.. يوم كنا نربط الشرشف على رقابنا مثل سوبرمان ونطلع فوق الخزاين ونط على التخوت وآخر شي ناطط غلط ومنكسرة إيدك.

    ‏ بتتذكروا.. يوم كنا نحط الآيس أو الكازوزة بالكيس بالتلاجة مشان تصير متلجة وكل ما بدك تجي تاخدها تلاقي الوالدة حاططته تحت ومانو متلّج.. يا حسرة.

    بتتذكروا.. لما كانوا الأولاد يشطفوا البرندة بالصابون ويضلوا يتزحلطوا عليها طوال النهار وآخر الشي تنفكش رجل شي واحد وما ينام الليل لأنو رجلو ورمانة..





    بتتذكروا... عزايم قبل والسفرة ومفرش الطاولة اللي عليه صورة (‏فواكه) ‏وريحتو لازم مثل ريحة المطبخ وقاعد على كراسي القش اللي لما تقوم تلاقي سيقانك عليها شخوط ومربعات.

    بتتذكروا.. أيام الدراسة لما نشد حيلنا بالدراسة ونشتري قلم فسفوري أصفر أو برتقالي مشان نظلل على الشي المهم وآخر شي نظلل على كل الكتاب.. وين الشي المهم؟؟ ما بعرف!!!!

    بتتذكروا.. أول ما يسرق الأولاد سيارة أبوهم كانت الرجل اليمين على البنزين والرجل اليسار على الفرام من شدة الفرحة .... ‏ولازم طبعاً يمر على أولاد الحارة ويطلعوا معو شي خمسين واحد


    ‏ بتتذكروا.. لما تتقاتل مع ولد الجيران وتقول له: انقلع عن بيتنا وعن رصيفنا...

    يقول لك: مو رصيفكن هادا رصيف الحكومة
    كلام منطقي, ‏ويتم يمرق قدام البيت ويقول لك مادخلك.

    بتتذكروا.. لما يروحوا الأولاد السوق مع أبوهن أو أمهن مشان يشتروا تياب للعيد ..وآخر شي شارين تياب متل بعض بس غير ألوان وتشوفن بأول يوم العيد من الأخ الكبير للصغير متل فرقة حسبالله.

    بتتذكروا.. لما الشباب بدهن يعملو عضلات يرحوا يترسو علب النيدو باطون ويحطون بينهن عمود حديد وهووووووووب وآخر شي منكسرة ضهورهن.


    وانتم ماذا تذكرونا

    نحن بالانتظار سماع ذكرياتكم

    لكم اجمل تحيه من اختكم دارين
    avatar
    Lovespirit
    اعضاء قديرين
    اعضاء قديرين

    عدد المساهمات : 243
    تاريخ التسجيل : 21/10/2009
    العمر : 27
    الموقع : مملكة تدمر
    العمل/الترفيه : طالبة
    المزاج : حلو بس مو كل الأوقات

    رد: ذكريات لاتنسى

    مُساهمة  Lovespirit في الأربعاء يناير 20, 2010 10:07 am

    سلمت اناملك


    و تذكرونا
    avatar
    أبو عبد الله
    متميز
    متميز

    عدد المساهمات : 945
    تاريخ التسجيل : 20/08/2009
    العمر : 35
    الموقع : قطر
    العمل/الترفيه : موظف
    المزاج : فيري نايس

    رد: ذكريات لاتنسى

    مُساهمة  أبو عبد الله في الأربعاء يناير 20, 2010 4:22 pm

    يا سلام عليك

    ذكريات لا تنسى


    _________________
    أبو عبد الله

    كن في الطريق عفيف الخطى


    شريف السمع كريم النظر


    وكن رجلا إن أتوا بعده

    يقولون قد مرّ وهذا الأثر’


    ادخلوا ودعولي
    http://www.quranexplorer.com/quran/
    avatar
    أحمد سرحان
    متميز
    متميز

    عدد المساهمات : 920
    تاريخ التسجيل : 10/12/2009
    العمر : 28
    الموقع : مملكة تدمر
    العمل/الترفيه : طالب
    المزاج : احسن من هيك بنتزع

    رد: ذكريات لاتنسى

    مُساهمة  أحمد سرحان في الخميس يناير 21, 2010 3:18 am

    شو بدنا نذكر اكتر من هيك

    ما شاء الله عليكي وعلى هي الذاكرة يلي عندك


    كاتبا كل الذكريات ولسا بدها كمان


    مشكورة دارين


    _________________
    avatar
    أحمد عارف
    Admin

    عدد المساهمات : 1594
    تاريخ التسجيل : 06/07/2009
    العمر : 32
    الموقع : مملكة تدمر
    العمل/الترفيه : طالب //
    المزاج : ؟؟؟؟؟؟؟؟؟؟؟؟

    رد: ذكريات لاتنسى

    مُساهمة  أحمد عارف في الخميس يناير 21, 2010 12:34 pm

    موضوع رائع

    و طبعا كل تذكار احلى من الثاني



    ////////////
    و انا بقول الله يرحم ايام مدرسة الصناعة بتدمر




    _________________


    نسيت أنساك
    حواليي كل الناس و بالي معاك
    ( إهداء خاص )




    / لا تقرأ و ترحل /
    avatar
    أبو عبد الله
    متميز
    متميز

    عدد المساهمات : 945
    تاريخ التسجيل : 20/08/2009
    العمر : 35
    الموقع : قطر
    العمل/الترفيه : موظف
    المزاج : فيري نايس

    رد: ذكريات لاتنسى

    مُساهمة  أبو عبد الله في الخميس يناير 21, 2010 11:51 pm

    بجد ذكرتينا بكثير امور

    انا شخصيا انسيتها


    مشكورة على هذه الذكريات


    _________________
    أبو عبد الله

    كن في الطريق عفيف الخطى


    شريف السمع كريم النظر


    وكن رجلا إن أتوا بعده

    يقولون قد مرّ وهذا الأثر’


    ادخلوا ودعولي
    http://www.quranexplorer.com/quran/
    avatar
    أحمد توفيق
    متميز
    متميز

    عدد المساهمات : 1275
    تاريخ التسجيل : 20/07/2009
    العمر : 29
    الموقع : مملكة تدمر
    العمل/الترفيه : شيف
    المزاج : أحسن من هيك بتنزع

    رد: ذكريات لاتنسى

    مُساهمة  أحمد توفيق في الأحد يناير 24, 2010 1:43 am

    ذكريات ولا اروع من هيك والهريبة من المدرسة هي احلى ذكرى
    avatar
    ابوطلال التدمري

    عدد المساهمات : 2
    تاريخ التسجيل : 24/12/2010
    العمر : 47
    الموقع : الرياض
    العمل/الترفيه : موظف
    المزاج : عادي

    رد: ذكريات لاتنسى

    مُساهمة  ابوطلال التدمري في الجمعة ديسمبر 24, 2010 1:23 am

    لله شو هلاكلام يا دارين ذكرتينا بايام زمان وايام الطفولة من جد حلوة الذكريات وهالايام رجعتينا لورى ايام البوظه والكازوزه ههههههههههههههههههههههههههههههه موضوعك ومشاركتك حلوة والحين كل واحد شاف الموضوع جلس بينه وبين حاله يتذكر ايام الطفولة وايام اول .

    شكرا كتير على الموضوع والمشاركة الحلوة .. وننتظر ابداعات مثل هذه الابداعات ..


    تحياتي لك اخت دارين
    avatar
    أبو الغالية
    اعضاء قديرين
    اعضاء قديرين

    عدد المساهمات : 268
    تاريخ التسجيل : 03/09/2009
    العمر : 44
    الموقع : دايماً علىطوووووووووووووووووووووول
    المزاج : وحداني بهالمنتدى

    رد: ذكريات لاتنسى

    مُساهمة  أبو الغالية في الجمعة يناير 07, 2011 4:09 am

    أنا بتذكر يوم حرقني عمي بالسيكارة على إيدي بسبب أكلي للتراب
    وبتذكر يوم كان يغيب الوالد عن البيت يقوم العم بتربيتي والعناية بي
    بتذكر يوم كان الجار تحسبلوا حساب كما أبوك
    بتذكر يوم كان الخير كثير في المناجم لا تعجبنا أي طبخة بل نتجه للمعلبات المكردسة عالسقيفة
    يتذكر يوم اتعلمنا التدخين على شكل منفخة وشوفة حال قبل أن يمشي بدماءنا
    وبتذكر يوم نزل الويلافورم والمخدات تنغسل يومياً
    وبتذكر لعبة الغزوية اللي انعدمت بأيامنا هذه
    وبتذكر يوم تعلق بين اثنين ويتواعدوا بالبرية اللي هي هلأ أولها بيت مدير المنتدى
    وبتذكر ......... وبتذكر ...... وبتذكر
    هاي غير اللي ذكرتيه
    مشكورة على هذا الموضوع
    [b]


    _________________
    ربَّنَا أَتْمِمْ لَنَا نُورَنَا وَاغْفِرْ لَنَا إِنَّكَ عَلَى كُلِّ شَيْءٍ قَدِيرٌ

    ساندي

    عدد المساهمات : 6
    تاريخ التسجيل : 02/01/2011
    العمر : 30
    العمل/الترفيه : lawyer
    المزاج : not bad

    رد: ذكريات لاتنسى

    مُساهمة  ساندي في السبت يناير 08, 2011 12:55 am

    ذكريات كتير حلوة خايتينا نرجع نتذكر الأيام الماضية,وقتها كنا نحس بالسعادة أكتر من الان
    وايام الجامعة كانت احلى ايام بحياتي

      الوقت/التاريخ الآن هو الجمعة أكتوبر 20, 2017 11:29 pm