مقتطفات حمصية

مرة واحد حمصي كان راكب في سفينة كبيرة مسافرة بالمحيط
خلال الرحلة بتجي إخبارية لقبطان السفينة أن السفينة تحوي قنبلة ورح تنفجر بعد دئيئتين
..
القبطان انصعق من الخبر وما عاد عرف شو بده يعمل
ما لئا شي يعمله غير شي وحيد كونه السفينة منفجرة وما عاد يلحئ يعمل شي
نزل ونادى بالركاب وجمعن وقال
كونه الرحلة طويلة رح لعبكن لعبة حلوة
بعد للتلاتة وكلكن سوا بتؤولوا بووووووم
طبعاً المساكين انبسطوا واستنوا القبطان لقال تلاتة وكلن مع بعض آلوا بوووووم
طبعاً بنفس اللحظة انفجرت القنبلة وصارت السفينة مئة شقفة والناس طارت وتناثرت بالمحيط
...
على خشبة بعيدة عائمة على وجه المياه كان صاحبنا الحمصي متمسك ومنهك من التعب ،وهو متعلق بالخشبة لمح خشبة قريبة عليه وللصدفة كان القبطان متمسك فيها!!

اتطلع الحمصي بالقبطان وقال :
تطرب أنت وها اللعبة