غزل في اليبرق‏

بسم الله الرحمن الرحيم


يبرق مع العصاعيص يا حبي

تحتك دهن شرحـات متخبي

والتوم نيفا انسـاب واتسوسح

والريحة آاخ , ولي على قلبي

والزفرة عم تلمع على خــدودك

اي أبوس روحك قولــة الحلبي

والمرقة عم تنضح بحامضهــا

وعم ينقف الهبّال على عصبي

وكم يبرقاية اتفزرّت واتسقسقت

وانبحتت الرزات على دربـي

يا يبرق الأحرار كرمـالـك

أنا بفخر بكوني مواطنٌ عربـي

جاية عبالي قول: أنـا بحبك

بكل اللغات الشرقي والغربي

يللي استوي وحققلي أحلامي

قد ساف قلبي في لظى اللهبِ

لقد استوى يافرحتي وسـعدي

ياعمري يا أنسي وَيـاطربي

هاتـوا الخبز والطنـجرة كلهـا

وبعدولي مـا بدي حدا جنبي

لا خيِّ لا أختي لا أمي لا أبي

لا عمي لا عمتي لك لا جدي لا سـتي

عم أمضغ العصعوص واليبرق سوا

شو هالنعيم هـادا يـاربـي

اذا رحـت فيهـا بـعـد هالأكلة

*

*

*
ذنبك يـَأمي هادا ......... مو ذنبي
.
سبحانك اللهم وبحمدك أشهد أنه لا إله إلا أنت أستغفرك وأتوب إليك